Fransiya prezidenti o‘zining 60 yillik yubileyi kuni uylanmoqchi

Fransua Olland 2014-yil 12-avgust — o‘zining tug‘ilgan kunida aktrisa Jyuli Gayye bilan turmush qurmoqchi. Fransiya OAVlari xabar berishicha, prezident o‘zining 60 yoshlik yubileyida oilali kishiga aylanmoqchi.

Ma’lum bo‘lishicha, Fransiya Sotsialistik partiyasi a’zolari partiya rahbari bo‘lmish Ollanddan oila qurishni so‘rashgan. Bu unga barqaror va hurmatli ko‘rinishga yordam berishi ta’kidlangan.

Partiya a’zolari fikricha, Olland norasmiy rafiqasi Valeri Triyerveyler bilan ajrashganidan so‘ng uning shaxsiy hayoti sirli bo‘lib ko‘rinmoqda. Bu esa mamlakat aholisining prezident ma’naviy qiyofasi haqidagi tasavvuriga salbiy ta’sir qiladi.

Gayye bilan nikoh Olland uchun birinchisi bo‘ladi.