Xalqaro qilichbozlik federatsiyasi prezidenti rossiyalik biznesmen Alisher Usmonov Qozonda bo‘lib o‘tgan Fair Play Xalqaro qo‘mitasi (CIFP) mukofoti sovrindorlarini taqdirlash marosimida ushbu tashkilotning “Fair play ruhidagi hayot uchun” yo‘nalishida maxsus mukofotiga loyiq deb topildi. Bu haqda Kommersant.ru xabar berdi.
Alisher Usmonov xizmat safarida bo‘lgani sababli, sovrinni uning rafiqasi — Rossiya badiiy gimnastika federatsiyasi prezidenti Irina Viner-Usmonova qabul qilib oldi.
CIFP prezidenti Yeno Kamuti Alisher Usmonovning gumanitar faoliyati tashkilot maqsad va vazifalariga to‘g‘ri kelishini aytdi.
Alisher Usmonov Xalqaro qilichbozlik federatsiyasini 2008-yildan boshqarib keladi. Shu bilan birga, ushbu sohadagi sportchilarni qo‘llab-quvvatlashga yo‘naltirilgan maxsus xayriya jamg‘armalarini ham tashkil qilgan.
Izoh (0)