Бангладешлик фермер Амжад Ҳусайн тарихда рўйхатга олинган энг узун Германия байроғини тикди. Унинг узунлиги 3500 метрдан ошиқдир, дея хабар берди Interfax. Шу йўл билан бангладешлик жаҳон чемпионати финалига чиққан Германия терма жамоасини қўллаб-қувватламоқчи бўлди.
Германиянинг Даккадаги элчиси Фердинанд Вайе байроқни кўриш учун ташриф буюрди. Ҳусайннинг айтишича, у 2005 йилда узоқ давом этган касалликдан немис дориси ёрдамида тузалгач, Германия термасига мухлислик қила бошлаган.
Байроқ устидаги ишларни тугатиш учун фермер ўз ерларининг бир қисмини сотишга мажбур бўлган. Уни тикиш учун жами 3 минг доллар сарфланган.
Вайе Ҳусайнга унинг Германия термаси расмий фан-клубининг бутун умрлик аъзоси эканлигини тасдиқловчи ёрлиқ топширди.
Изоҳ (0)