Reklama beruvchilardan videorolik joylash bo‘yicha buyurtmalar kelib tushishiga qarab, Toshkent metropoliteni bekatlariga monitorlar o‘rnatish masalasi ko‘riladi. Bu haqda “Toshkent metropoliteni” davlat unitar korxonasi ma’lumotiga tayanib, Anhor.uz xabar berdi.
Avvalroq 2014-yil iyun oyining so‘nggi kunlarida Toshkent metropoliteni vagonlarida tijoriy reklamalar paydo bo‘lgani haqida xabar berilgan edi. Endi metro bekatlariga reklama roliklari va musiqiy kliplar namoyish etiladigan monitorlar ham qaytishi mumkin.
Poytaxt metrosi ma’muriyati ma’lum qilishicha, O‘zbekiston Respublikasi Vazirlar Mahkamasining 2014-yil 11-apreldagi qarori bilan metropoliten obyektlarida nafaqat ijtimoiy mazmundagi, balki tijoriy reklamalar ham joylana boshlagan.
Izoh (0)