O‘zbekiston Respublikasi Vazirlar Mahkamasi huzuridagi “O‘zarxiv” agentligi tomonidan Milliy matbuot markazida O‘zbekiston Respublikasi Milliy arxiv fondining nodavlat qismini rivojlantirishga bag‘ishlangan matbuot anjumani o‘tkazildi, deb xabar beradi O‘zA.
Milliy arxiv fondi davlat va nodavlat qismlardan tarkib topgan bo’lib, nodavlat tashkilotlar, muassasalar va korxonalar faoliyati to‘g‘risidagi hujjatlar, shuningdek, jismoniy shaxslarning shaxsiy arxiv hujjatlari fondning nodavlat qismini tashkil etadi.
Hozirgi kunda yurtimizda faoliyat ko‘rsatayotgan yettita arxivda nodavlat tashkilotlari, muassasalari va korxonalarning hujjatlari saqlanmoqda.
O‘zbekiston Respublikasi Vazirlar Mahkamasining 1999-yil 30-oktabrda qabul qilingan “Arxiv ishi bo‘yicha me’yoriy hujjatlarni tasdiqlash to‘g‘risida”gi qaroriga muvofiq, jismoniy va yuridik shaxslar o‘z hujjatlarini saqlash uchun kutubxonalar, muzey va davlat arxivlariga topshirishi mumkin.
Izoh (0)