2014-yilda Farg‘ona tumanidagi qishloqlarda namunaviy loyihalar bo‘yicha 400 ta uy-joy quriladi

Farg‘ona tumanidagi Cheksho‘ra qishloq fuqarolar yig‘inida namunaviy loyihalar asosida qurib bitkazilgan zamonaviy uylar o‘z egalariga topshirildi. Bu haqda O‘zA xabar berdi.

– Mahallamiz kundan-kunga chiroy ochib, tobora shahar qiyofasiga kirib bormoqda, – deydi yangi xonadon sohibi Yusufjon Kamolov. – Oilamiz bilan maslahatlashib, uch xonali uyga buyurtma bergan edik. Mana, qisqa vaqtda barcha qulayliklarga ega zamonaviy uyga ko‘chib o‘tdik. Bunday sharoitlarda yashashning zavqi o‘zgacha.

Joriy yilda mazkur tumandagi Cheksho‘ra, Ilg‘or, Mindonbod-2 massivlarida 400 shunday uy-joylar barpo etilishi rejalashtirilgan bo‘lib, qurilish ishlari qizg‘in davom etmoqda.