NATO koalitsiyasining Afg‘onistondagi besh nafar harbiy xizmatchilari Zabul provinsiyasida to‘p otish chog‘ida xato tufayli halok bo‘ldi. Bu haqda “RIA Novosti” xabar berdi.
Avvalroq Xalqaro xavfsizlikka yordam kuchlari (ISAF) qo‘mondonligi dushanba kuni besh harbiy xizmatchining nobud bo‘lgani haqida xabar bergan, biroq hodisa sababi izohlanmagan edi.
Zubal provinsiyasi politsiya boshlig‘i G‘ulom Saxiy Roxlevaniy ularning Arxandab okrugidagi bombardimonda halok bo‘lganini tasdiqlashga tayyorligini bildirdi.
Afg‘oniston armiyasi vakili Muhsin Xon ham hodisani tasdiqlab, bir afg‘on askari ham halok bo‘lganini qo‘shimcha qildi.
Izoh (0)