Barak Obamaning trenajyor zalidagi mashg‘ulotlari internet-foydalanuvchilar kulgisiga sabab bo‘ldi

Varshavaning Mariott mehmonxonasidagi trenajyor zalida tashrif buyuruvchilardan biri o‘z telefoniga AQSh prezidenti Barak Obamani yashirincha suratga tushirdi. Unda Obamaning trenajyorlar va gantellar yordamida mashq qilgani aks etgan. Bu haqda New York Post xabar berdi.

Yarim soatcha davom etgan mashg‘ulotda to‘q ko‘k rangli sport kiyimidagi AQSh prezidenti pleyerda musiqa eshitib mashq bajargan.

Internet foydalanuvchilari Amerika prezidentining jismoniy mashg‘ulotlarini kulgiga oldi . “Uhu, bizning prezidentimiz “kuchli”. Putinning ichagi uzilayotgandir”, — deyiladi videoga berilgan izohlarda. Yana bir foydalanuvchi esa “Obama ruchka va telefonni ko‘tara olishi haqida gapirgan edi. Ushbu videoni ko‘rganimdan keyin uning nimani nazarda tutganini tushundim”, — deya pisanda qilgan.

Obama Varshavaga 3-iyun kuni yetib kelgan. Bu yerda u o‘zining Yevropa turnesini boshladi.