“Markaziy Osiyo-Xitoy” gazyo‘lagining uchinchi tarmog‘i 31-may kuni foydalanishga topshirildi. Bu haqda Xitoy milliy neft-gaz korporatsiyasi ma’lum qildi, deya xabar berdi UzDaily.
31-may kuni ushbu tarmoq orqali Turkmanistondan O‘zbekiston hududiga gaz jo‘natilgan.
Uchinchi yo‘lakning umumiy uzunligi 1830 kilometrdan iborat. U bir yilda 25 milliard kubometr gazni o‘tkazish imkoniyatiga ega. Uning 10 milliardi Turkmanistondan, 10 milliardi O‘zbekistondan, 5 milliardi Qozog‘istondan yetkaziladi.
“Markaziy Osiyo-Xitoy” gaz o‘tkazish uchastkasi 2009-yilning dekabrida topshirilgan. Uning umumiy uzunligi 7 ming kilometrga yaqin. Gazyo‘lakning Xitoy tomoni Guanchjou shahrigacha uzaytirilgan.
2010-yilning dekabrida gaz o‘tkazish uchastkasining ikkinchi qismi ishga tushirilgan. Uning o‘tkazish qobiliyati ayni damda yiliga 30 milliard kubometr gazni tashkil qiladi. To‘rtinchi navbat ishga tushirilishi bilan uning qobiliyati 55 milliard kubometrgacha o‘sadi.
Izoh (0)