Xitoyning Xenan provinsiyasida hojatxona teshigidan tushib ketgan telefonni olmoqchi bo‘lgan yosh yigit va uning onasi halok bo‘lishdi. Bu haqda Gazeta.ru xabar berdi.
Yosh ayol o‘zining 2 ming yuan (taxminan 290 dollar)lik telefonini axlat to‘kiladigan chuqurga tasodifan tushirib qo‘yadi. Eri uni olishga qaror qiladi, biroq zaharli bug‘lar tufayli hushidan ketadi.
Yigitning onasi unga yordam berish maqsadida chuqurga tushgach, u ham hushini yo‘qotadi. So‘ng hodisa sababchisining o‘zi, uning qaynotasi, shuningdek ularning ikki qo‘shnisi ham voqea joyiga tushishadi. Shundan so‘ng barchasi qamalib qoladi.
Biroz vaqt o‘tib, mahalliy aholi ularni arqon yordamida tortib oladi. Voqea sababchisi bo‘lgan ayol ayni paytda hushsiz holatda yotibdi. Uning eri va qaynonasi esa halok bo‘lishdi. Telefon topilgan-topilmagani haqida aniq ma’lumot yo‘q.
Izoh (0)