Хитойнинг Хенан провинциясида ҳожатхона тешигидан тушиб кетган телефонни олмоқчи бўлган ёш йигит ва унинг онаси ҳалок бўлишди. Бу ҳақда Gazeta.ru хабар берди.
Ёш аёл ўзининг 2 минг юан (тахминан 290 доллар)лик телефонини ахлат тўкиладиган чуқурга тасодифан тушириб қўяди. Эри уни олишга қарор қилади, бироқ заҳарли буғлар туфайли ҳушидан кетади.
Йигитнинг онаси унга ёрдам бериш мақсадида чуқурга тушгач, у ҳам ҳушини йўқотади. Сўнг ҳодиса сабабчисининг ўзи, унинг қайнотаси, шунингдек уларнинг икки қўшниси ҳам воқеа жойига тушишади. Шундан сўнг барчаси қамалиб қолади.
Бироз вақт ўтиб, маҳаллий аҳоли уларни арқон ёрдамида тортиб олади. Воқеа сабабчиси бўлган аёл айни пайтда ҳушсиз ҳолатда ётибди. Унинг эри ва қайнонаси эса ҳалок бўлишди. Телефон топилган-топилмагани ҳақида аниқ маълумот йўқ.
Изоҳ (0)