Xonanda Ziyoda kuzda konsert beradi

Ona bo‘lganidan so‘ng yanada shijoat bilan ijod qilishdan charchamayotgan xonanda Ziyoda muxlislari uchun yangiliklar hozirlamoqda, deb xabar beradi Popcorn.uz.

Ziyoda Qobilova 2014-yil kuz oylarida o‘zining navbatdagi yakkaxon konsertini taqdim etadi. Konsert “Istiqlol” san’at saroyida ikki kun — 31-oktabr hamda 1-noyabr kunlari bo‘lib o‘tishi rejalashtirilgan.

Shuningdek, Ziyoda hozirda yangi tarona tayyorlagan bo‘lib uni tez kunda premyera qilishni mo‘ljallagan. “Parishon” deb nomlangan yangi kompozitsiyaning matni va g‘oyasi Bahodir Nizomovga tegishli. Musiqa hamda aranjirovka esa Umid Obidov tomonidan yaratilgan. Popcorn.uz’ning yozishicha, yangi tarona sokin yo‘nalishda emas, biroq uni raqsbop qo‘shiq ham deb bo‘lmaydi.