“Geolog. O‘limdan kuchli” birinchi o‘zbek blokbasteri 23-may kuni rus va o‘zbek tillarida Royal Cinema va Mega Cinema kinoteatrlarida namoyish etiladi. Bu haqda Gazeta.uz xabar berdi.
Film prodyuseri Oybek Abdushukurovning aytishicha, kartina ijodkorlari O‘zbekistonda ham xalqaro darajada kino ishlash mumkinligini ko‘rsatib qo‘ymoqchi bo‘lgan.
“Geolog” O‘zbekiston va Rossiyada suratga olingan. Dublyaj va ranglarni to‘g‘rilash ishlari Yevropadagi eng yirik studiya – Moskvaning “Sinelab” kompaniyasida amalga oshirildi.
Filmda Bobur Yo‘ldoshev, Adiz Rajabov, Oleg Galaxov, Nozim To‘laxo‘jayev, Gulchehra Jamilova, Saydulla Moldaxonov kabi taniqli aktyorlar qatnashgan. Loyiha prodyuserii va muallifi Muxlisa Azizova.
Kartina haqiqiy voqealarga asoslangan. Unda o‘tgan asrning 60-yillari aks etgan. Geologiya fakultetining ikki nafar bitiruvchisi Toshkentdan Novosibirskka amaliyot o‘tash uchun jo‘nab ketadi. Biroq begona shaharga sayohat haqiqiy “ekshn”ga aylanib ketadi.
Izoh (0)