Toshkent viloyatida Lexus haydovchisi katta tezlikda kelib, yo‘l chetida turgan mashina va piyodani urib yubordi. Bu haqda viloyat YHXB ma’lum qildi.
Unga ko‘ra, hodisa 4-mart kuni soat 12:40 larda Toshkent tumani hududidan o‘tgan M39 Almati-Bishkek-Toshkent-Shahrisabz-Termiz avtomobil yo‘lining 812 kmda sodir bo‘lgan.
2005-yilda tug‘ilgan A.S Tayota Lexus’ini boshqarib ketayotgan vaqtida rul boshqaruvini yo‘qotib, yo‘l chetidagi harakatsiz turgan Nexia va ushbu avtomobil yonida turgan piyoda 1960-yilda tug‘ilgan fuqoro Sh.Sh ni urib yuborib, yo‘l-transport hodisasi sodir etgan.
Ushbu yo‘l-transport hodisasi natijasida piyoda turli xildagi tan jarohatlari olib, tuman markaziy shifohonasiga yotqizilgan.
Hozirda holat yuzasidan Toshkent tumani IIB Tergov bo‘limi tomonidan Jinoyat kodeksining 266-moddasi 1-qismiga ko‘ra jinoyat ishi qo‘zg‘atilgan bo‘lib, tergov harakatlari olib borilmoqda.
Mart oyida sodir bo‘lgan YTHlar
Jizzaxda 13-mart kuni rulda uxlab qolgan Matiz haydovchisi yuk mashinasiga urilishi oqibatida halok bo‘lgandi. 12-mart kuni Toshkentda daraxtga urilgan Lacetti pachoqlanib ketdi. 7-mart kuni Navoiyda Damas va Cobalt to‘qnashishi oqibatida bir kishi jarohatlandi. 17-mart kuni soat 06:30 larda Toshkent—Bekobod avtomobil yo‘lida harakatlanib ketayotgan yuk mashinasi (dastlabki ma’lumotga ko‘ra haydovchisi uxlab qolishi natijasida) qarama qarshi yo‘nalishga chiqib ketib, Isuzu avtomobili bilan to‘qnashgan.
Izoh (0)