Falastinning HAMAS harakati rahbariyati vositachilarga o‘t ochishni to‘xtatishning ikkinchi bosqichi tafsilotlarini muhokama qilishni boshlashga tayyorligini ma’lum qildi.
HAMAS vositachilarga o‘tgan hafta Qohirada Misr tomoni bilan davom etayotgan muloqotlar va uchrashuvlar chog‘ida ikkinchi bosqich bo‘yicha muzokaralarni boshlashga tayyor ekanimizni ma’lum qildi, dedi AFP’ga rasmiylardan biri.
HAMAS vositachilardan “bosqinchilar kelishuvga amal qilishlari va to‘xtab qolmasliklarini ta’minlashni” so‘radi.
Isroil va HAMAS o‘rtasidagi kelishuv
Isroil va HAMAS o‘rtasidagi o‘t ochishni to‘xtatish kelishuvi joriy yilning 19-yanvaridan kuchga kirdi. HAMAS asir olingan isroilliklarni ozod qilishga va’da berdi, Isoril armiyasi esa o‘z kuchlarini anklav hududidan olib chiqishni boshladi. 42 kun davom etadigan kelishuvga ko‘ra, birinchi bosqichda HAMAS taxminan 1900 mahbus evaziga 33 nafar garovga olinganlarni ozod qilishi, ikkinchi bosqichda esa qolganlarning barchasini qo‘yib yuborishi va urushni uzil-kesil to‘xtatish muhokamasini boshlashi kerak edi. Uchinchi bosqich murdalarni almashtirishni o‘z ichiga oladi.
Ayirboshlashning birinchi bosqichi kelishuv imzolangandan so‘ng 19-yanvar kuni bo‘lib o‘tdi. Uchta isroillik 90 nafar falastinlik mahbus evaziga ozod qilindi. Ikkinchi ayirboshlash 25-yanvarda bo‘lib o‘tdi — to‘rt nafar garovdagilar HAMAS tomonidan ozod qilindi, evaziga Isroil 200 nafar falastinlik mahbusni qaytardi. Ayirboshlashning uchinchi bosqichi 30-yanvar kuni bo‘lib o‘tdi. Isroil uch nafar fuqarosi evaziga 110 nafar falastinlikni qamoqdan chiqarildi.
Izoh (0)