Isroil hukumati HAMASning garovdagi isroilliklarni qaytarish jarayonini tashkil etishiga norozilik bildirish maqsadida falastinlik mahbuslarni ozod qilishni to‘xtatishga qaror qildi. Bu haqda The Times of Israel nashri bosh vazir Binyamin Netanyaxu idorasining bayonotiga tayanib xabar berdi.
Isroil vositachilardan bunga erishishni talab qilmoqda, deyiladi idora bayonotida.
Aniqlanishicha, falastinlik mahbuslarning ozod etilishi isroillik garovga olinganlarning keyingi guruhlarini xavfsiz sharoitda ozod qilish kafolatlari olinmaguncha kechiktirilgan.
Quddusdan uncha uzoq bo‘lmagan Ofer qamoqxonasidan mahbuslarni olib ketayotgan avtobuslar to‘xtab qoldi. Ular bir muddat turgach orqaga burilishdi, deb yozadi Ynet nashri.
Isroil televideniyesining 12-kanali ham mahbuslar almashinuvining to‘xtatilishi isroillik garovga olinganlarning HAMAS asirligidan so‘nggi marta ozod qilinishi bilan bog‘liq ekanini yozgan.
Men garovga olinganlarimizni ozod qilish paytida sodir bo‘lgan dahshatli manzaralarni qat’iy qoralayman. Bu HAMASning tasavvurga sig‘maydigan shafqatsizligidan yana bir dalolat. Men bunday dahshatli manzaralar takrorlanmasligini va garovdagilarimizning xavfsizligi kafolatlanishini talab qilaman, dedi Netanyaxu.
30-yanvar kuni HAMAS rasmiylari Qizil Xoch xodimlariga Isroil fuqarolari Agam Berger, Arbel Yehud va Gadi Moshe Mozesni, shuningdek, Tailandning besh fuqarosini topshirdi. Bunga javoban Isroil 110 nafar falastinlik mahbusni qamoqdan ozod qilishi kerak edi.
Izoh (0)