Prezident Shavkat Mirziyoyev Moskvada bir qator davlatlar rahbarlari bilan norasmiy uchrashuvlar o‘tkazdi. Bu haqda Prezident matbuot xizmati xabar berdi.
Uchrashuvlar Ikkinchi jahon urushidagi g‘alabaning 80 yilligiga bag‘ishlangan tantanali tadbirlarda ishtirok etish doirasida o‘tkazilgan.
Jumladan:
- XXR raisi Si Szinpin;
- Tojikiston prezidenti Emomali Rahmon;
- Misr prezidenti Abdulfattoh as-Sisi;
- Vyetnam Kompartiyasi markaziy qo‘mitasi bosh kotibi To Lam;
- Serbiya prezidenti Aleksandr Vuchich;
- Falastin prezidenti Mahmud Abbos bilan norasmiy uchrashuvlar o‘tkazilgan.
Shavkat Mirziyoyev Vladimir Putin taklifiga binoan Moskvada 8—9-may kunlari bo‘ladi. Davlat rahbari Ikkinchi jahon urushidagi g‘alabaning 80 yilligiga bag‘ishlangan tantanali tadbirlarda ishtirok etadi. Ushbu paradda 20 dan ortiq xorijiy davlatlar rahbarlari qatnashadi.
Izoh (0)