Bolgariya 2026-yil 1-yanvardan yevroni milliy valyuta sifatida qabul qilmoqchi. Bundan norozi bo‘lgan aholi namoyishga chiqdi. Bu haqda Reuters xabar berdi.
Namoyishlar 4-iyun kuni Sofiya shahrida parlament binosi oldida bo‘lib o‘tgan. Unga o‘ta o‘ng “Tiklanish” partiyasi boshchilik qilgan. Namoyishda odamlar Bolgariya bayroqlarini ko‘tarib, “yevro mustamlakachiligiga yo‘q” deb hayqirgan.
Bolgariyada o‘rtacha oylik ish haqi 2443 lev (1420,76 dollar) bo‘lib, Yevropa Ittifoqidagi eng qashshoq davlat sanaladi. Qishloq aholisi inflyatsiyaga moyil qatlam hisoblanadi. Mamlakat 2007-yilda Yevropa Ittifoqiga a’zo bo‘lgan. U 2026-yil 1-yanvardan yevroni milliy valyuta sifatida qabul qiladigan ikkinchi davlatga aylanishi kutilmoqda.
Bu o‘zgarish savdo oqimini yengillashtiradi va unga Yevropa Markaziy bankining kurslarni belgilovchi Boshqaruv kengashida o‘rin ajratadi. Kutilayotgan yutuqlarga qaramay, Bolgariyada ko‘pchilik bunga shubha bilan qaramoqda. Korrupsiya, daromadlarning tengsizligi, navbatdan tashqari va to‘rt yillik siyosiy inqiroz hokimiyatga bo‘lgan ishonchni yo‘qotgan. Ko‘pchilik o‘tish davrida narxlarning oshishidan xavotirda.
Yevropa komissiyasi tomonidan o‘tgan may oyida e’lon qilingan Eurobarometer so‘roviga ko‘ra, bolgarlarning 50 foizi valyuta o‘zgarishini qo‘llab-quvvatlamagan, noyabr oyida bu ko‘rsatkich 46 foizni tashkil etgandi.
“Mamlakat ma’muriyatiga ishonmasangiz, har qanday o‘tishni amalga oshirish qiyin bo‘ladi... ayniqsa, yevroga qo‘shilish haqida so‘z borganda” deydi Bolgariyaning Bozor iqtisodiyoti instituti katta ilmiy xodimi Petar Ganev.
“Bolgariya fuqarolari va tadbirkorlari ushbu davrda narxlarning asossiz ko‘tarilishiga yo‘l qo‘yilmasligiga ishonch hosil qilishlari uchun narxlar bilan bog‘liq doimiy monitoring ta’minlanadi”, dedi moliya vaziri Temenujka Petkova.
Do‘konlarda allaqachon kundalik tovarlar yevroda, shuningdek, odamlarni konvertatsiyaga moslashtirish uchun Bolgariya lev valyutasida ro‘yxatga olingan. Shunga qaramay, hali ham norozilik kayfiyati hukm surmoqda.
Izoh (0)