Portugaliyada 240 mingga yaqin Lego detali yordamida dunyodagi eng yirik shaharcha qurildi. U Ginnesning rekordlar kitobidan joy oldi.
PDL kompaniyasi mazkur rekordni qayd etgan. Shaharcha maydoni 70,614 kvadrat metrni tashkil etadi. Taqqoslash uchun bu hududga to‘rt mashinani bemalol joylashtirish mumkin — hattoki biroz bo‘sh joy ham ortib qoladi. Shaharcha haqiqiy odamlar yashaydigan shaharlar kabi deyarli hamma narsaga ega.
Lego shaharchada aeroport, qurilish kranlari, Big Ben uslubidagi soat minorasi, chiqindi tashish mashinalari, avtomobillar, avtoturargohlar, bog‘lar va boshqalar mavjud. Hatto shahar atrofi va qishloq joylari ham obodonlashtirilgan, bu esa ulkan shaharni to‘laqonli mikrorayonga aylantiradi.
Shaharda hatto syorfing ishqibozlari sport bilan shug‘ullanadigan, kemalar qatnaydigan suv havzasi ham bor. Ko‘l atrofida ijodkorlar jamoasi Lego shahri “aholisi” dam oladigan plyaj qurgan.
Ginnesning rekordlar kitobi vakillari hisob-kitoblariga ko‘ra, shaharchada 366 ta transport vositasi, 176 ta daraxt, 2328 ta gul va boshqa ko‘plab detallar mavjud.
Izoh (0)