Mashhur Lego kompaniyasi “Uzuklar hukmdori” franshizasi asosidagi yangi konstruktor to‘plamini namoyish qildi. Sauron minorasi ko‘rinishidagi ulkan to‘plam 1-iyundan boshlab sotuvga chiqariladi.
Barad-dur nomli qasr to‘plami katta hajmga ega bo‘lib, 5471 ta qismdan iborat. Konstruktor tarkibiga Frodo, Sem, Gollum, Sauron va uning xizmatkorlari ko‘rinishidagi o‘yinchoqlar ham kiritilgan.
Eslatma: Barad-dur “Uzuklar hukmdori” filmida Mordorning poytaxti bo‘lgan. Sauron ismli qahramon esa binoda qo‘nim topgan va shaharni minoradan boshqarib turgan.
Konstruktor yig‘ilganda Barad-durning balandligi 83 santimetrga yetadi. To‘plamning markaziy qismida xuddi filmdagidek tegganda yonib turadigan ko‘zga o‘xshash qora detal mavjud.
Birinchi xaridorlar uchun Lego yoqimli bonuslar tayyorlab qo‘ygan: Sauron minorasini sotib olganda Nazgul qahramoni to‘plami qo‘shib beriladi. Konstruktorning narxi 460 AQSH dollariga baholanmoqda.
Izoh (0)