Lego smoking kiygan mushuk ko‘rinishidagi yangi konstruksiya to‘plamini taqdim etdi. Loyiha konsepsiyasini 2022-yilda Lego Ideas platformasidagi muxlislardan biri taklif qilgan.
To‘plam jami 1710 qismdan iborat. “Smoking kiygan mushuk” nomli konstruktorga qo‘shimcha ravishda ikki xil rangdagi: ko‘k yoki sariq ko‘zlar beriladi. Konstruktor interaktiv o‘yinchoq bo‘lib, og‘zini ochib, yopa oladi, boshini o‘ng va chapga buradi. Uning quloqlari, panjalari va dumini turli holatga keltirish mumkin.
-bUZzKUGl.jpeg)
Konstruktor-mushuk modeli Miro laqabli mushukdan andoza qilib olingan. Loyiha muallifi yangi konstruktor haqida o‘z fikrlarini bildirdi:
Mening asosiy maqsadim ko‘plab detallardan iborat va real hayvonga o‘xshab ketadigan mushuk ko‘rinishidagi o‘yinchoqni yaratish edi, chunki loyiha juda keng maqsadli auditoriya uchun mos keladi.
O‘yinchoq qora va och jigarrang ranglarda ishlab chiqariladi. Haqiqiy Miro mushugi esa siam va birman zotlariga tegishlidir.
Yangi to‘plam joriy yilning 1-iyunidan sotuvga chiqariladi. Smoking kiygan mushuk ko‘rinishidagi o‘yinchoq narxi 99 dollarga baholangan.
Izoh (0)