Futbol bo‘yicha O‘zbekiston Superkubogi 27-may, seshanba kuni bo‘lib o‘tdi.
Unda Qarshining “Nasaf” klubi Andijonning “Andijon”i bilan o‘yin o‘tkazdi. Toshkentdagi “Bunyodkor” stadionida o‘tkazilgan bahs yomg‘ir ostida kechdi.
Har ikki jamoa ham o‘yin davomida ehtiyotkorlik bilan harakat qildi. Garchi "gollar shousi" kutilgan bo‘lsa-da, jamoalar natijaga ko‘proq eʼtibor qaratdi. Bahs taqdirini esa birgina penalti hal qildi. Zaxiradan o‘yinga qo‘shilganiga bir necha daqiqa bo‘lgan Sherzod Nasrullayev penalti ishladi. Uni Husayn Norchayev aniq amalga oshirdi.
Ushbu hisob o‘yin yakuniga qadar saqlanib qoldi. Qarshiliklar ketma-ket ikkinchi marta O‘zbekiston Superkubogi g‘olibiga aylandi.
Izoh (0)