Yevropa Konferensiyalar Ligasining 2024/25-yilgi mavsum finali yakunlandi. Hal qiluvchi bahsda Ispaniyaning “Betis” hamda Angliyaning “Chelsi” jamoalari to‘qnash keldi. Uchrashuv Polshaning Vroslav shahridagi “Tarchinski Arena” stadionida bo‘lib o‘tdi. Bahsda “Chelsi” 4:1 hisobida g‘alaba qozondi.
Uchrashuvning 9-daqiqasida “Betis” yarim himoyachisi Eze Abde hisobni ochdi. 65-daqiqada “Chelsi” yarim himoyachisi Enso Fernandesh javob golini kiritdi. 71-daqiqada hujumchi Nikolas Jekson “ko‘klar”ni oldinga olib chiqdi. 83-daqiqada Jeydon Sancho farqni ikkitaga oshirdi. O‘yinga nuqta 90+1-daqiqada yarim himoyachi Moyzes Kaysedo tomonidan qo‘yildi — 4:1.
Yevropa Konferensiyalar Ligasi
Final, “Tarchinski Arena”, Polsha, Vroslav
29-may, chorshanba
“Betis” — “Chelsi” 1:4
Gollar: 1:0 — Abde (9), 1:1 — Enso (65), 1:2 — Jekson (71), 1:3 — Sancho (83), 1:4 — Kaysedo (90+1).
Izoh (0)