Ижтимоий тармоқларда вилоятликларни ҳақоратлаган йигит видеоси тарқалиб, кўплаб муҳокамаларга сабаб бўлди. Ҳолат юзасидан суд иши ўтказилди.
Маълум бўлишича, видео 28 февраль куни суратга олинган ва 1 март куни ижтимоий тармоққа жойланган. Ҳолат бўйича жиноят иши Юнусобод туман судида кўриб чиқилди. Ҳуқуқбузарлар 2004-2005 йилда туғилган.
Видеони олишимиздан мақсад кимнидир камситиш, ажратиш бўлмаган. Ўзимиз учун видео олганмиз. Кейин видеони олиб ташладик. Бутун халқдан узр сўраймиз, дейди йигит.
Улардан бири Қашқадарё, иккинчиси эса Самарқанд вилоятида туғилгани маълум бўлган. Суд ҳукми билан йигитларга 10 суткадан қамоқ жазоси тайинланди.
2024 йилнинг июнь ойида 21 ёшли қиз вилоятликларни тилга олиб бўлмас сўзлар билан ҳақорат қилиб, шу қилмиши учун 15 суткага қамалганди. Ўша йилнинг июль ойи ўртасида Instagram’даги жонли эфирда “қишлоқилар одаммас” дея ҳақоратлаган қиз жаримага тортилган эди. Instagram’да салбий фикр билдирган кузатувчиларга жавоб тариқасида беҳаё сўзлар билан вилоятликларни ҳақорат қилган қиз 10 суткага қамалганди.
Шунингдек, Тошкент аҳолисини ҳақорат қилган қиз 10 суткага қамалган эди.
Изоҳ (0)