Видео: Экологик партия аъзоси Тошкентга келаётган вилоятликларнинг ўз ҳудудидаги инспектор рўйхатидан ўтишини таклиф қилди

Ўзбекистон экологик партияси вакили Улуғбек Пирмуҳаммедов Тошкентга келаётган вилоятликларни қайд этишнинг янги тартибини жорий этишни таклиф қилди.

«Фикримизча, фуқаро Тошкентга келишидан олдин ўзининг ҳудудидаги инспектордан рўйхатдан ўтиши мақсадга мувофиқ. Шундай тизим жорий этилса, Тошкентда муаммоларга учрашининг олди олинади»— дейди Пирмуҳаммедов.

https://twitter.com/troll_afandi/status/1204723376880783361

Партия вакилининг ушбу таклифига ҳуқуқшунос ва блогер Хушнудбек Худойбердиев муносабат билдирди.

«Экопартиядан шедевр таклиф! Вилоятликлар Тошкент экологиясини бузишяпти, шекилли.

Менда ҳам айрим таклифлар бор:

• Тошкент учун алоҳида тилларанг паспорт жорий қилиш керак. Вилоятликларга эса паспорт ранги қора бўлсин;
• Тошкент атрофини деворлар билан ўраш керак. Масалан, АҚШ Мексикадан келадиган мигрант қочоқлардан ҳимояланиш учун шунақа қилмоқчи-ку;
• Ўзбекистон Конституциясига ‘Қорақалпоғистон Республикаси’ бобидан кейин ‘Тошкент Республикаси’ деган янги 18-боб киритиш керак;
• Тошкентда яшаётган доимий пропискаси йўқ шахсларга Тошкент Республикасидан чиқиб кетиш учун 1 ой муҳлат бериш керак. 1 ойдан кейин чиқиб кетмаганларни ушлаб, келган вилоятига депорт қилиш керак;
• Тошкентда ойига 2,5 миллион сўмдан кам даромад топадиганларни аниқлаб, уларни пропискасидан маҳрум қилиш керак. Тошкентда фақат бойлар яшай олади, дея белгилаш керак;
• Тошкент ҳамда вилоятлар ўртасида келинликка қиз олиб, қиз беришни тақиқлаш керак», — деб ёзади Хушнудбек Худойбердиев.