Ijtimoiy tarmoqlarda viloyatliklarni haqoratlagan yigit videosi tarqalib, ko‘plab muhokamalarga sabab bo‘ldi. Holat yuzasidan sud ishi o‘tkazildi.
Ma’lum bo‘lishicha, video 28-fevral kuni suratga olingan va 1-mart kuni ijtimoiy tarmoqqa joylangan. Holat bo‘yicha jinoyat ishi Yunusobod tuman sudida ko‘rib chiqildi. Huquqbuzarlar 2004-2005-yilda tug‘ilgan.
Videoni olishimizdan maqsad kimnidir kamsitish, ajratish bo‘lmagan. O‘zimiz uchun video olganmiz. Keyin videoni olib tashladik. Butun xalqdan uzr so‘raymiz, deydi yigit.
Ulardan biri Qashqadaryo, ikkinchisi esa Samarqand viloyatida tug‘ilgani ma’lum bo‘lgan. Sud hukmi bilan yigitlarga 10 sutkadan qamoq jazosi tayinlandi.
2024-yilning iyun oyida 21 yoshli qiz viloyatliklarni tilga olib bo‘lmas so‘zlar bilan haqorat qilib, shu qilmishi uchun 15 sutkaga qamalgandi. O‘sha yilning iyul oyi o‘rtasida Instagramʼdagi jonli efirda “qishloqilar odammas” deya haqoratlagan qiz jarimaga tortilgan edi. Instagram’da salbiy fikr bildirgan kuzatuvchilarga javob tariqasida behayo so‘zlar bilan viloyatliklarni haqorat qilgan qiz 10 sutkaga qamalgandi.
Shuningdek, Toshkent aholisini haqorat qilgan qiz 10 sutkaga qamalgan edi.
Izoh (0)