Автомобильни такроран маст ҳолда бошқарганлик учун жиноий жавобгарлик белгиланиши, Самарқандда ЙПХ ходими тез ёрдам машинасини чорраҳада кутишга мажбур қилиши, Тошкент вилоятида 51 ёшли аёл ис газидан вафот этиши — “Дарё” нашри бугун, 24 январда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Оролбўйи минтақасида тиббий хизмат сифати оширилади
Шу мақсадда Қорақалпоғистон Республикаси ва Хоразм вилояти тиббиёт муассасалари учун тиббий жиҳозлар харид қилинади.
Ўзбекистонда “Озиқ-овқат хавфсизлиги тўғрисида”ги қонун маъқулланди
Қонунда, хусусан, озиқ-овқат маҳсулотлари танқислигига йўл қўймаслик бўйича давлат томонидан қандай чоралар кўрилиши белгиланган.
Тошкент мактабларида сил касали тарқалгани айтилмоқда. Расмийлар муносабат билдирди
Санэпидқўмита ортиқча ваҳимага ўрин йўқлигини билдирди.
“Газни уй иситиш ва овқат пиширишга ишлатиб юборадиган халқнинг косаси оқармайди” — Алишер Қодиров
Депутатнинг фикрича, газдан экспортбоп маҳсулот ишлаб чиқариш, хорижга сотиш, унинг пулига иш ўрни яратиш керак.
Ўзбекистонда автомобилни такроран маст ҳолда бошқарганлик учун жиноий жавобгарлик белгиланмоқда
Сенат бу кўзда тутилган қонунни маъқуллади.
Ўзбекистонда электротехника саноатини янги босқичга олиб чиқишнинг асосий йўналишлари белгиланди
Ушбу саноатни ривожлантириш бўйича президентнинг янги қарори қабул қилинди.
Ўзбекистонда имтиҳон синовларисиз дипломлари тўғридан тўғри тан олинадиган ОТМлар рўйхати тасдиқланди
Марказий Осиёдан бу рўйхатга фақат Қозоғистоннинг айрим ОТМлари киритилган.
Самарқандда ЙПХ ходими тез ёрдам машинасини чорраҳада кутишга мажбур қилди
Ходим бир нечта автомобиллар гуруҳининг ҳаракатланишига йўл очиб бериш учун тез ёрдам машинасига тўхташ ишорасини берган.
Тошкент вилоятида 51 ёшли аёл ис газидан вафот этди
Ҳолат юзасидан терговга қадар текширув ҳаракатлари олиб борилмоқда.
Ўзбекистонда электрон сигареталарни бутунлай тақиқлаш кўзда тутилган қонун лойиҳаси қабул қилинди
Бундай сигареталарда никотин моддасидан ташқари кансероген, 80 хил заҳарли кимёвий бирикмалар ва оғир металлар мавжуд.
Ўзбекистонда 2024 йили 2,2 минг нафардан ортиқ фуқаро ЙТҲлар оқибатида вафот этди
Шунингдек, 8 901 нафар инсон тан жароҳати олган.
Ўзбекистонда ўртача ойлик иш ҳақи ошди
Ҳудудлар бўйича энг кўп ўртача ойлик Тошкент шаҳрида — 9,1 млн сўм.
Фарғонадаги портлаш жабрланувчиларига товон пули тўланадими?
Фарғона шаҳридаги Petrolium автомобилларга пропан ва бензин қуйиш шохобчасида юз берган портлашда 4 киши ҳалок бўлгани расман тасдиқланган. Бундан ташқари, ўнлаб одамларнинг соғлиғи ва мулкига жиддий зарар етказилган. Хўш, фожиа қурбонлари, шунингдек, жабрланувчиларга компенсация тўлаб бериладими? “Дарё” мазкур мавзу атрофидаги мулоҳазаларни бир мақолада жамлади.
Кафолатланган омонатларни 200 млн сўмгача чеклашга қаратилган қонун маъқулланди
Банк тугатилганда омонатчиларга компенсация тўловини амалга ошириш даври босқичма-босқич 7 иш кунигача қисқартирилади.
Тошкентдаги “дом”лардан бирида ёнғин содир бўлди
Ҳодиса оқибатида ҳалок бўлган ва жабрланганлар йўқ.
Тошкент вилоятида эри томонидан калтакланган аёл вафот этди
Қўзғатилган жиноят иши қайта малакаланиб, тергов ҳаракатлари давом этмоқда.
Самарқандда 5 кг марихуанани 10 минг долларга сотаётган шахс ушланди (видео)
Ҳолат юзасидан жиноят иши қўзғатилиб, тергов ҳаракатлари олиб борилмоқда.
Ўзбекистонда муаммоли кредитлар миқдори 21,1 трлн сўмга етди – Марказий банк
Тижорат банкларининг кредит портфели эса 533,1 трлн сўмни ташкил қилди.
Изоҳ (0)