Қозоғистоннинг Уралкс шаҳрида ичида одамлар бўлган автомобиль музлаган Чаган дарёсига тушиб кетди. Бу ҳақда Закон.кз хабар берди.
Ҳодиса 2 февраль куни кечқурун Самал микрорайони яқинида рўй берган. Чўкиб кетган автомашинадан зўравонлик аломатисиз икки нафар эркакнинг жасади топилган.
“Тафсилотларга аниқлик киритилмоқда. Жасадлар экспертиза учун юборилган”, дея хабар берди полиция.
Қурбонларнинг жасадларини ғоввослар олиб чиққан, машина эса ҳали ҳам олиб чиқилмаган. Қозоғистон Фавқулодда вазиятлар департаменти сув ҳавзаларида хавфсизлик чораларига риоя қилишга чақирган.
Об-ҳаво шароити туфайли вилоятдаги сув ҳавзаларида муз қалинлиги ўртача 10-15 сантиметрдан кам, баъзи жойларда эса атиги 5 сантиметрни ташкил этади, дейилади хабарда.
Бу қўшни республикада одамлар бўлган автомобилнинг дарёга қулашига оид биринчи ҳолат эмас. 5 январь куни Абай вилояти Иртиш дарёсига икки йўловчи автомобили тушиб кетганди. ЙТҲ вақтида салон ичида 4 киши бўлган. Йўловчилардан бири машинадан ўзи чиқиб, қирғоққача сузиб борган. У тиббий ёрдамга муҳтож бўлмаган.
Ўшанда қутқарув операциясига 55 нафар қутқарувчи, 5 та сузиш воситаси, 2 та дрон, сувости қидирувлари учун эхолот, 10 та техника жалб қилинганди.
Изоҳ (0)