Ҳиндистонда ғаввосга тўлов қилингунча амалдор чўкиб кетди

Ҳиндистонда ғаввос қутқарув хизмати учун тўлов олгунга қадар Ганг дарёсида амалдор чўкиб кетди. Бу ҳақда The Times of India хабар берди.

45 ёшли Адитя Вардхана Сингха Уттар Прадеш штати соғлиқни сақлаш департаменти директори ўринбосари ҳисобланади. У 31 июль куни кундузи дўстлари билан дарё бўйида дам олган. Яхши кадр олиш мақсадида у ва унинг дўстлари қайиқда сузиш тавсия этилмаган ҳудудга ўтган. Аммо суратга олиш вақтида эркак сирғаниб кетиб, сувга тушиб кетган.

“У сузишни билар эди, лекин уни кучли оқим олиб кетди”, дейди мутахассислар.

Қидирувга нафақат қутқарувчилар, балки полиция ва хусусий ғаввослар ҳам қўшилган. 2 сентябрь кунги маълумотларга кўра, эркакни топишнинг имкони бўлмаган.

Адитянинг дўстларига кўра, амалдор дарёга қулаб тушганида ғаввослар 10 минг рупий (тахминан 119 доллар) тўламагунча уни қутқаришдан бош тортган.

“Нақд пул йўқлигини айтганимизда улар онлайн тўлов талаб қилди. Пул тушганида ва ғаввослар сувга тушган вақтга келиб, Адитяни аллақачон оқим олиб кетганди”, дейди амалдорнинг дўстлари.

Расмийлар ғаввослар гўёки катерга ёнилғи учун пул сўраганини айтмоқда.

“Агар айбловларда заррача ҳақиқат бўлса, ғаввосларга қарши қонуний чоралар кўрамиз”, дейди полиция.