Руминияда 5 апрелга ўтар кечаси салонида ўн киши бўлган микроавтобус дарёга тушиб кетди. Бир аёл ундан чиқиб олишга муваффақ бўлди, қолган одамлар ҳалок бўлди, деб ёзади «Корреспондент.net».
Автобус мамлакат шимоли-шарқидаги Бистрица дарёсига қулади. Дастлабки маълумотларга кўра, ҳалокатга ғилдирак шинасининг тешилиши сабаб бўлган. Микроавтобус тушиб кетган жойда дарёнинг чуқурлиги 7 метрга тенг бўлган.
Воқеа жойига бир нечта қутқарув жамоалари етиб келди.
Микроавтобусдан чиқишга муваффақ бўлган аёл қутқарувчилар томонидан топиб олинганида ҳуши жойида бўлган, уни касалхонага юборишган.
Қутқарувчилар сувдан етти йўловчининг жасадини чиқариб олган, икки киши бедарак йўқолган деб эълон қилинган. Аммо кейинроқ уларни ҳам топишган.
Қурбонларнинг ёши 17 дан 45 гача бўлган.
Таъкидланишича, микроавтобус йўловчи ташиш учун мўлжалланмаган, унга пештахталар ўрнатилган. Унда маҳаллий ўрмон хўжалиги ишчилари олиб кетилаётган эди.
Изоҳ (0)