АҚШнинг Юта штатида эр-хотин қорли тузоқда бир сутка қолиб кетди. Ҳайдовчи Google Maps кўрсатган йўлга ишонган ва кучли қор ёғган ҳудудига машинаси тиқилиб қолган. Уларга қутқарувчилар отряди юборилган, бироқ ёрдамчилар биринчи уринишга керакли жойни топиб бора олмаган. Натижада қутқарув операциясида иккита снегоход ва гусеницали Polaris Ranger қатнашган, деб хабар беради Motor.
Кўнгилсиз ҳодиса Гранд округидаги 2,5 минг метр баландликда Каслтон-Гейтвей-роуд тепалигида содир бўлган. Google Maps кўрсатган йўл бўйлаб ҳаракатланган ҳайдовчи тозаланмаган йўлга кириб қолган. Қор жуда ҳам қалинлигини тушуниб етган ҳайдовчи ортга қайтишга уринган ва бу вақтда автомобиль тиқилиб қолган. Эр-хотин ёрдам етиб келишини деярли бир сутка кутишга мажбур бўлган: маҳаллий ренжерлар уларнинг ортидан эвакуатор юборган, бироқ у ҳам ҳодиса жойияга етиб бормасдан тиқилиб қолган. Шунда қутқарув ишларига бир жуфт снегоход ва гусеницали Polaris Ranger жалб этилган.
Таъкидланишича, бундан бир ой олдин ҳам айнан шу йўлга бошқа бир туристлар гуруҳи тиқилиб қолган — уларни яқин атрофдан учиб ўтаётган вертолёт тасодифан пайқаб қолган.
Сўнгги бир неча йилдан буён маҳаллий қутқарувчилар Google Maps’дан норози. Навигатор бўйича ҳаракатланган турислар Унавил каньонидан чиқишга уриниб, ташландиқ йўлда қолиб кетмоқда. Ҳайдовчиларга овқат ва сув ғамлаб олиш, шунингдек, белкурак ва сирпанишга қарши занжирлар қўл остида бўлиш тавсия қилинган.
Аввалроқ АҚШда навигаторга ишонган юк машина ҳайдовчиси дарёга тушиб кетгани тўғрисида хабар берилганди.
Изоҳ (0)