Миссурида йўлни қисқартириш мақсадида навигатор орқали айланма йўлдан юришга қарор қилган 40 тоннали юк машина ҳайдовчиси аварияга учради. GPS тизими автомобилни оғир юк машинасига мўлжалланмаган дарё кўприги устидан ўтувчи йўлга бошлаган, деб хабар беради Motor.
40 тоннали юк машинасининг ҳайдовчиси асосий йўлдан юриб, тирбандликда қолиб кетмаслик учун айланма йўлдан юришга қарор қилган. Навигаторга ишонган ҳайдовчи ўрмон йўли орқали дарё устидан ўтган кўприк қаршисидан чиққан. Бироқ ҳаракатни давом эттириш катта хато бўлган.
Ҳайдовчи кўприкка чиқишга улгурмасидан, конструкция узилиб кетган, юк машинасининг кабинаси ва ярми пастга осилиб қолган. Ўзининг оғирлигига қўшимча равишда яна 20 тонна юкни олиб кетаётган юк машинаси сабаб кўприк том маънода парчаланиб кетган. Воқеа жойига етиб келган йўл-патруль хизмати ходимларининг маълум қилишича, ушбу кўприк яхши аҳволда бўлгани билан юк автомобиллари навигацияси учун мўлжалланмаган. Ундан фақатгина 5 тоннагача бўлган транспорт воситалари ҳаракатланиши мумкин.
Кўнгилсиз ҳодиса оқибатида ҳайдовчига жабр етмаган, бироқ у юкларидан айрилган.
Изоҳ (0)