Россия Давлат думасида мигрант аёллар учун бепул туғуруқни тақиқлаш таклиф қилинди. Депутат Сергей Миронов мигрантлардан мажбурий равишда тиббий суғурта тақдим этишни талаб қилишга чақирди.
Аёллар учун — туғуруқ ва ҳомиладорликни қамраб олувчи ихтиёрий тиббий суғурта мавжуд. Суғуртани иш берувчи ҳам сотиб олиши мумкин, энг муҳими, чет эллик фуқаро чегарани кесиб ўтганида полисга эга бўлсин. Улар ўз ватанларида Россия суғурта компанияларининг ваколатхоналари орқали суғурта сотиб олиши энг маъқул йўл. Бу халқаро амалиётда нормал ҳолат. Бошқа йўлдан бориб, ижтимоий бадал тўлаётган фуқароларимиз ҳисобидан мислсиз саховат кўрсатиш учун ҳеч қандай сабаб кўрмаяпман, деди Миронов.
У чет элликлар, агар Россияда расман ишлаган ва камида уч йил давомида иш берувчилар улар учун суғурта бадалларини тўлаган бўлса, мажбурий тиббий суғурта олиш ҳуқуқига эга эканини эслатди.
Шу билан бирга, Инсон ҳуқуқлари бўйича кенгаш аъзоси Кирилл Кабанов пуллик туғуруқ мавзуси “асосий муаммони”, яъни самарасиз миграция сиёсатини эътибордан четда қолдиришга уриниш эканини таъкидлади.
Бундай фикрга адвокат Александр Почуев қарши чиқди. У бу ташаббус “айрим тоифадаги одамларни конституцияда кафолатланган бепул тиббий ёрдам олиш бўйича ҳуқуқидан маҳрум қилиши”ни айтди. Жумладан, Россиянинг чет эллик аёллардан туғилган бўлажак фуқаролари ҳуқуқларини бузишини билдирди.
Муайян шартларга риоя қилинган ҳолда, Россияда туғилган чет эллик фарзандлар “туғилган жой ҳуқуқи” асосида фуқаролик олиш ҳуқуқига эга, деган у.
Изоҳ (0)