Қорақалпоғистон Республикасининг Тахиатош туманида жойлашган табиий кўлда 3 нафар фуқаро томонидан ноқонуний равишда тақиқланган усулда балиқ овланаётганлиги аниқланди. Бу ҳақда Экология вазирлиги хабар берди.
Маълум қилинишича, жами 5 та зоғора, 1 та илонбалиқ, 195 та дўнгпешона, 2 та карас ҳамда 5 та қилич балиқ овланганлиги маълум бўлди.
Натижада табиатга 752 млн 625 минг сўм зарар етказилган.
Ҳолат юзасидан ҳужжатлар расмийлаштирилиб, терговга қадар текширув ишлари олиб борилмоқда.
Ноқонуний балиқ овлаш
Аввалроқ Айдар-Арнасой кўлларида 2024 йили ноқонуний ов оқибатида табиатга 1,7 млрд сўмлик зарар етказилгани ҳақида хабар берилганди.
Шунингдек, Навоийда ноқонуний балиқ овлаган шахслар табиатга 6,3 млрд зарар етказгани ҳақида хабар берилганди.
Бундан ташқари, Сурхондарё вилояти Шўрчи туманида ноқонуний балиқ овланиши натижасида табиатга 1,4 миллиард сўм зарар етказилган эди.
Ўзбекистон ҳудудида 2025 йил 1 сентябрдан 2028 йил 1 январгача ов қилишга мораторий жорий қилиниши мумкинлиги айтилганди.
Изоҳ (0)