Бирлашган Миллатлар Ташкилотининг урушдан вайрон бўлган Суданнинг ал-Фашер шаҳрига ёрдам олиб кетаётган карвонига ҳужум уюштирилди. Оқибатда 5 нафар одам ҳалок бўлган. Бу ҳақда BBC хабар берди.
БМТ ҳужум қандай содир бўлгани ҳақида баёнот бермаган, бироқ зудлик билан тергов ўтказиш ва айбдорларни жавобгарликка тортишга чақирган. Ёрдам озиқ-овқат ва болалар агентликларининг 15 та юк машинасидан иборат бўлиб, очарчиликдан азият чеккан ал-Фашерга кетаётган эди.
Ҳужумдан сўнг “ал-Кома” фавқулодда вазиятлар бўлими маҳаллий кўнгилли қутқарувчилар гуруҳи Facebook ижтимоий тармоғида ёниб кетган юк машинаси видеосини жойлаштирган. Гуруҳ ҳужумда Судан армиясини айбламоқда. Гуруҳга кўра, 1 июнь куни Судан армияси ҳарбий самолётлари шаҳарга ҳаво ҳужумлари уюштириши оқибатида камида 89 киши ҳалок бўлган ёки яраланган. Мамлакат армияси бу айбловга жавоб бермаган.
Тезкор ёрдам кучлари (ТЁК) томонидан назорат қилинадиган ал-Кома илгари ҳарбийлаштирилган гуруҳ ва армия ўртасидаги зиддиятда тез-тез ҳужумлар нишонига айланган. Шаҳарга уюштирилган ҳужумлар тинч аҳолининг ўлимига ва асосий инфратузилмага зарар етказган. Судандаги фуқаролар урушидаги икки томон — ҳарбийлаштирилган ТЁК ва мунтазам армия бир-бирини БМТ карвонига дронлар билан зарба беришда айблаб келмоқда.
Изоҳ (0)