БМТнинг қочқинлар бўйича агентлиги 2 июнь куни Суданни уруш бошланганидан бери 4 миллиондан ошиқ одам тарк этганини маълум қилди. Бу ҳақда Arab News хабар берди.
БМТ Қочқинлар бўйича Олий комиссари бошқармаси Женевада матбуот анжумани ўтказди. Унда бошқарма матбуот котиби Юджин Бюн мамлакатни тарк этиш минтақавий ва глобал барқарорликни хавф остига қўяётганини таъкидлаган.
Бунгача Суданда 25 миллион киши очликдан азият чекаётгани маълум бўлганди. Шу жумладан 770 минг болаўткир тўйиб овқатланмасликнинг оғир шаклига дучор бўлган. Суданда тиббиёт муассасалари, тез ёрдам машиналари, беморлар ва тиббиёт ходимларига қарши 167 та тасдиқланган. Мазкур ҳужумлар оқибатида 1 120 дан ортиқ одам ҳалок бўлган. Суданда 2023 йил 15 апрелдан бери Муҳаммад Ҳамдан Дагло бошчилигидаги Тезкор ҳаракат кучлари ва мунтазам армия ўртасида шиддатли жанглар давом этмоқда.
2025 йил май ойида Судандаги можаро оқибатида 32 мингга яқин одам ҳалок бўлган. Шунингдек, аҳолининг 30 фоизи кўчиб кетишга мажбур бўлган, 20 миллион киши эса гуманитар ёрдамга муҳтож.
Изоҳ (0)