Судан 6 май куни Бирлашган Араб Амирликлари билан дипломатик алоқаларини узди ва Абу Дабидаги элчихона ходимларини ортга чақириб олди. Бу ҳақда Anadolu хабар берди.
Судан Хавфсизлик ва мудофаа кенгаши ўз баёнотида БААни “тажовузкор давлат” деб атади ва амирликни ҳарбийлаштирилган “Тезкор ёрдам кучлари”ни қўллаб-қувватлашда айблади.
Бутун дунё икки йилдан ортиқ вақт давомида БАА томонидан Суданнинг суверенитети, ҳудудий яхлитлиги ва фуқароларининг хавфсизлигига тажовуз қилишига гувоҳ бўлиб келди, дейилади кенгаш баёнотида.
Судан амирликларни Ғарбий Дафур вилоятидаги геноцидга алоқадорликда айблаб, уни Халқаро судга берган эди. Аммо суд ҳам, БАА ҳам бу даъвони рад этган.
“Тезкор ёрдам кучлари” илгари Судан ҳукумати томонидан бошқарилган ҳарбийлаштирилган хунта. У 2023 йили исёнчи гуруҳга айланган. 2025 йил 15 апрелда эса мазкур хунта Судан назорати остидаги баъзи ҳудудларини бошқариш учун параллел “Тинчлик ва бирдамлик ҳукумати” тузилишини эълон қилган.
Изоҳ (0)