Жанубий Судан икки ҳафта давом этиши кутилаётган иссиқлик тўлқинига тайёргарлик кўриш мақсадида 18 мартдан бошлаб барча мактабларни ёпди, дея хабар берди The Guardian.
Соғлиқни сақлаш ва таълим вазирликлари ҳарорат 45 даража (113Ф) иссиққача кўтарилиши кутилаётгани сабабли ота-оналарга барча болаларни уйда олиб қолишни тавсия қилган.
Мактаблар қанча вақт ёпиқ қолиши аниқ эмас. Вазирликлар вазиятни кузатишда давом этишларини ҳамда тегишли равишда жамоатчиликни хабардор қилишларини айтган.
Дунёнинг энг ёш давлатларидан бири бўлган Жанубий Судан тез-тез иссиқ тўлқинларни бошдан кечиради, лекин ҳарорат камдан-кам ҳолларда 40 даража (104 Ф) иссиқдан ошган. Жанубий Судан аҳолиси қурғоқчилик ва сув тошқинларидан ҳам азият чекади.
Жаҳон озиқ-овқат дастури зўравонлик, иқтисодий беқарорлик, иқлим ўзгариши ва қўшни Судандаги можаролардан қочган одамлар оқими туфайли Жанубий Судан гуманитар инқирозга учрашда давом этаётганини айтган.
Изоҳ (0)