Америка космик агентлиги (NASA) Crew Dragon кемасини 30 май куни космосга учириш борасида ҳозирча якуний қарор қабул қилгани йўқ. Бу ҳақда NASA директори Жим Брайденстайн ўзининг Twitter’даги саҳифасига ёзиб қолдирди.
Унинг сўзларига кўра, агентлик 30 май куни эрталаб Флорида штатининг Канаверал бурнидаги об-ҳаво шароитлари тўғрисидаги янги маълумотлари билан бўлишиши керак. Дастлабки прогнозлар об-ҳаво яхшиланганини кўрсатса-да, мутахассислар кузатувларни давом эттирмоқда.
Илон Маскнинг SpaceX компанияси томонидан яратилган Crew Dragon кемаси дастлаб 27 май куни космосга учирилиши керак эди. Бироқ парвозга 15 дақиқа қолганда ноқулай об-ҳаво шароити сабаб қолдирилган. Кейинги парвоз Тошкент вақти билан 31 май соат 00:32 га мўлжалланган. Америкалик астронавтлар Боб Бенкен ва Даг Ҳерли парвоз бекор қилингач, яна карантинга қайтган.
Изоҳ (0)