NASA Американинг SpaceX компаниясидан Халқаро космик станцияда шикастланган рус «Союз» космик кемасида қолиб кетган астронавтларни қутқаришни сўради, деб хабар бермоқда Reuters.
14 декабрь куни Россиянинг «Союз» кемаси қопламаси шикастлангани сабабли ундан совутиш суюқлиги сизиб чиқиб кетишни бошлаганди. Бу пайтда бортда уч астронавт бўлган — бири америкалик, икки нафари россиялик, улар сентябрь ойида ХКСга олти ойлик миссияни бажариш учун кетганди.
Ҳозир уларнинг шикастланган «Союз» капсуласи ХКСга туташтирилган ҳолда турибди. Астронавтлар кемада ҳарорат кўтарилмаслиги учун станцияга қараган люкни очиқ сақламоқда. Россиянинг бошқариладиган космик дастурлари раҳбари Сергей Крикалевнинг айтишича, агар люк ёпилса, капсулада ҳарорат тез кўтарилиб кетади.
ХКСда ҳозир яна бир кема — SpaceXнинг Crew Dragon’и бор. Унда станцияга яна тўрт нафар астронавт учиб кетган. NASA SpaceX’дан «Союз» экипажини Ерга қайтаришни сўрамоқда. Аммо муаммо шундаки, кемада фақат тўртта ўриндиқ бор.
«Роскосмос» уч космонавтни қандай қутқариш ҳақида бош қотираётганини маълум қилган. Уларнинг ортидан яна бир «Союз» кемасини жўнатиш режалаштирилган эди. Аммо якуний қарор январь ойига қолдирилди.
Изоҳ (0)