Американинг Space Х компанияси Falcon 9 элтувчи ракетасини 52 та Starlink сунъий йўлдошлари, шунингдек, Capella Space ва Tyvak-0130 компанияларининг иккита сунъий йўлдошлари билан бирга учирди, деб ёзади «РБК». Трансляция компаниянинг YouTube канали орқали олиб борилди.
Falcon 9 бир гуруҳ сунъий йўлдошлар билан бирга Флорида штатидаги Канаверал бурнидан Тошкент вақти билан 16 май куни 3:56 да учирилди. Элтувчи ракетанинг биринчи поғонаси океандаги платформага муваффақиятли қўнди.
2020 йил декабрида SpaceX Starlink лойиҳаси доирасида олис ва қишлоқ жойлар аҳолисини сунъий йўлдош интернет билан таъминлаш учун АҚШ ҳукуматидан 885,5 миллион доллар субсидияни қўлга киритди. Компания ушбу маблағни ўн йил давомида қабул қилади. Бундан ташқари, АҚШ ҳукумати SpaceX’га 35 та штатда 642 925 та нуқтада интернет тарқатиш хизматларини тақдим этиш учун қўшимча маблағ ҳам ажратади.
SpaceX келажакда Ер аҳолисини сайёранинг исталган нуқтасида кенг полосали интернет билан таъминлаш имконини берувчи тўлиқ кўламли тармоқ яратиш учун 12 мингта (кейинчалик 30 мингта) космик қурилмадан иборат орбитал гуруҳни шакллантиришни режалаштирмоқда.
Изоҳ (0)