Бельгия халқаро вазият фонида урушга тайёргарлик чораларини кўрмоқда. Ҳукумат қуролли кучларга 36 миллиард евро сармоя киритишини маълум қилган. Бу ҳақда белгиялик нашрга таяниб Тоp War хабар берди.
Ҳукумат дастлаб ҳарбий харажатларни ялпи ички маҳсулотнинг 2 фоизигача оширишини, кейин эса қуролли кучларни кенгайтиришни бошлашини мақсад қилган. Бу қарор авиация, ҳаво ҳужумидан мудофаа ва қуруқликдаги қўшинларни қамраб олади.
Қуруқликдаги қўшинларга 10 миллиард евро ажратилади. Авиацияга инвестициялар 21 та Ф-35 самолётини сотиб олишни ўз ичига олади. Натижада ушбу авиатехника сони 55 тага етказилади. Европа маълумотларни бошқариш тизимига ҳам 5 миллиард евро сармоя киритиш режалаштирилган.
Инвестициялар, 10 та NASAMS ҳаво ҳужумидан мудофаа тизимлари, шунингдек, Польшада ишлаб чиқарилган 300 та Piorun учириш қурилмалари ва Sky Guardian дронларини сотиб олишни қамраб олади. Қўшимча фрегат сотиб олиш ҳам кўзда тутилган.
Изоҳ (0)