Июнь ойи охиригача Европа Иттифоқи кенгашига раислик қилувчи Бельгия Исроилга қарши савдо санкцияларини таклиф қилди.
Бу ҳақда Бельгия бош вазири Александр Де Кро Le Soir газетасига берган интервьюсида маълум қилди.
“Бельгия ҳукумати бир неча ҳафта олдин Исроилга қарши савдо санкцияларини жорий этиш зарурлиги ҳақида қарор қабул қилди. Бироқ Бельгиянинг ўзи бу санкцияларни жорий этса, савдо маршрутлари ўзгариб кетади. Шунинг учун биз бир неча ҳафта давомида бошқа Европа давлатлари билан бу муаммони қандай ҳал қилишимиз мумкинлигини муҳокама қилдик”, — деди у.
Де Кронинг сўзларига кўра, Исроилнинг Европа Иттифоқи билан тузилган шартномадаги инсон ҳуқуқлари бўйича бандга риоя қилмагани санкциялар учун сабаб сифатида кўрсатилиши мумкин.
Унинг сўзларига кўра, Бельгия Европа Иттифоқининг ташқи сиёсат бўйича раҳбари Жозеп Боррелдан “бу масалани ўрганишни” сўради.
Изоҳ (0)