Бельгия бош вазири Александр Де Кроо велосипеддан йиқилиб тушди. Унга тез тиббий ёрдам кўрсатилиб, касалхонага ётқизилди. Бу ҳақда Бельгиянинг RTBF нашри бош вазир матбуот хизматига таяниб хабар бермоқда.
RTBF маълумотларига кўра, 3 июнь куни 47 ёшли бош вазир Бракелдаги уйи яқинида велосипедда сайр қилиб юрганда боши билан ерга йиқилиб тушган, шундан сўнг у ҳушини йўқотган.
Бош вазир касалхонага ётқизилган ва у ерда текширувдан ўтган. Матбуот хизматининг хабар беришича, кечқурун Александр Де Кроога касалхонадан уйга қайтишга рухсат берилади.
Изоҳ (0)