Ўртоқлик ўйинлари. Аргентина 7 та гол урди, Мессидан ҳет-трик, Бельгия 5 та гол урилган ўйинда Германияни енгди

Халқаро майдонда 29 март, сешанба куни футбол бўйича қатор ўртоқлик учрашувлари ўтказилди.

Ўзбекистон вақти билан 30 март тонгида Аргентина термаси Кюрасаога қарши баҳс олиб борди ва рақиб дарвозасига жавобсиз 7 та гол урди. Учрашувда Лионель Месси ҳет-трик қайд этган бўлса, Николас Гонсалес, Энцо Фернандес, Анхел ди Мария ва Гонсало Монтель биттадан тўп киритди.

Германия ва Бельгия терма жамоалари ўртасидаги ўйин қизиқарли кечди. Бельгияликлар ўйин дебютида Янник-Феррейра Карраско ва Ромелу Лукакунинг голлари эвазига ҳисобни ишончли кўринишга олиб келди. Бунга немислар биринчи бўлим сўнгида Никлас Фюлкругнинг пенальтидан урган голи билан жавоб қайтарди.

Иккинчи бўлимда жамоалар яна бир мартадан дарвозаларни ишғол қилди. Голларга Кевин де Брюйне ва Серж Гнабри муаллифлик қилди.

Шунингдек, Осиё ва Жанубий Америка терма жамоалари ўртасидаги қарама-қаршиликларда бир хил натижалар қайд этилди: Япония Колумбияга, Жанубий Корея Уругвайга, Саудия Арабистони Боливияга, Австралия эса Эквадорга 1:2 ҳисобида енгилди.

Ушбу кунги ўйинда Ўзбекистон терма жамоаси Венесуэла билан дуранг ўйнаганди (1:1).

Ўртоқлик ўйинлари

28 март, сешанба

Аргентина – Кюрасао 7:0

Голлар: 1:0 – 20 Месси, 2:0 – 23 Гонсалес, 3:0 – 33 Месси, 4:0 – 35 Фернандес, 5:0 – 37 Месси, 6:0 – 78 Ди Мария, 7:0 – 87 Монтель.

Аргентина: Мартинес (Армани, 80), Монтель, Отаменди (Фойт, 50), Песселя, Акуня, Ло Чельсо (Ди Мария, 67), Мак Аллистер (Де Поль, 50), Фернандес (Паласиос, 50), Гонсалес, Месси, Мартинес (Дибала, 67).

Кюрасао: Ром, Гари, Мартина, ван Эйма (Трупе, 73), Флоранус, Анита (Румерату, 84), Бакуна (Фелида, 84), Бакуна, Кювас (Северина, 73), Горре (Антониссе, 58), Янга (Живкович, 58).

Огоҳлантиришлар: Де Пол (81), Анита (82).

Германия – Бельгия 2:3

Голлар: 0:1 – 6 Карраско, 0:2 – 9 Лукаку, 1:2 – 44, пенальти Фюллькруг, 1:3 – 78 де Брюйне, 2:3 – 87 Гнабри.

Германия: тер Штеген, Гинтер, Керер, Раум (Гюнтер, 68), Вирц (Жан, 32), Горетцка (Нмеча, 32), Киммих, Вольф (Вагноман, 80), Гнабри, Фюллькруг (Бериша, 80), Вернер (Шаде, 80).

Бельгия: Кастелс, Кастан, Вертонген (Салемакерс, 46), Фас, Теате, де Брюйне (Openда, 80), Карраско (Троссард, 58), Мангаля (Лавиа, 80), Онана, Лукебакио (Бакаёко, 58), Лукаку (де Кетеларе, 68).

Огоҳлантиришлар: Онана (37), Лукаку (43), Нмеча (49).

Австралия – Эквадор 1:2

Голлар: 1:0 – 16 Боррелло, 1:1 – 51, пенальти Эступиньян, 1:2 – 65 Пачо.

Япония – Колумбия 1:2

Голлар: 1:0 – 3 Митома, 1:1 – 33 Дуран, 1:2 – 61 Борре.

Жанубий Корея – Уругвай 1:2

Голлар: 0:1 – 10 Коатес, 1:1 – 51 Ҳван Ин Бом, 1:2 – 63 Весино.

Саудия Арабистони – Боливия 1:2

Голлар: 0:1 – 13 Морено, 1:1 – 44, пенальти Ад-Досари, 1:2 – 67 Алгараняс.