Бельгиялик сенатор Ален Детекс Европани энди «урушбозлик қилувчи» АҚШ бошқара олмаслиги ҳамда Россия ва Украинага нисбатан сиёсатни қайта кўриб чиқиши лозимлигини таъкидлади, деб ёзади «РИА Новости».
«Европа ва европаликлар манфаатларини кўзлаб, биз Зеленскийнинг қатъий позициясидан воз кечишимиз, Украинани бўлиб олиниши бўйича Россия билан келишиб олишимиз ва санкцияларни бекор қилишимиз керак — бу нажот йўли. Ҳозирги босқичда Оқ уй каби можарони алангалатгандан кўра, дипломатик ечим топиш яхшироқдир», — деди сиёсатчи.
Сенатор Украина етакчиси Владимир Зеленский «товламачи» сифатида тилга олинган «Панама ҳужжатлари»ни эслади. Унинг сўзларига кўра, бундай одамга муносиб президент сифатида эмас, балки «кибрга берилиб, бизни урушга тортаётган америкалик қўғирчоқ» сифатида қараш керак.
Бундан ташқари, сиёсатчи Европа Иттифоқининг Россияга қарши санкциялари фақат Европанинг ўзига зарар етказишини, АҚШ эса Европа давлатларини қурол-яроғ ва газ билан таъминлаш орқали улардан фойда кўраётганини эслатди.
У, шунингдек, ҳамкасби Элизабет Борннинг Франция можаро баҳосини Россия учун чидаб бўлмас ҳолга келтирмоқчи экани ҳақидаги сўзларини қоралади.
«Россия энергияни французлар учун чидаб бўлмас ҳолга келтирса, ажабланмайман!», — дея хулоса қилди у.
Бир кун аввал НАТО бош котиби Йенс Столтенберг Ғарбни Россиянинг салоҳияти паст баҳоламасликка чақиргани ҳақида хабар қилинган эди.
Изоҳ (0)