БМТнинг янги демографик ҳисоботига кўра, Ҳиндистон аҳолиси 2025 йилда 1,46 миллиардга етган. Бу ҳақда Тhе Economic Times хабар берди.
Бу дунёдаги энг юқори кўрсаткичлиги айтилган. Шунингдек, мамлакатнинг умумий туғилиш даражаси пасайгани ҳам қўшимча қилинган. БМТнинг 2025 йилга мўлжалланган Жаҳон аҳолиси ҳолати (SОWP) ҳисоботида миллионлаб одамлар фарзандли бўлиш мақсади борасида қатъий фикрга эга эмаслиги таъкидланган.
Ҳисоботда, шунингдек, аҳоли таркиби, туғилиш ва умр кўриш давомийлигидаги асосий ўзгаришлар ҳам кўрсатилган бўлиб, бу катта демографик ўзгаришлардан дарак бермоқда. Мамлакатда туғилишнинг умумий даражаси ҳар бир аёлга 1,9 тагача пасайиб кетган. Яъни ўртача ҳинд аёллари миграциясиз равишда зарур бўлганидан камроқ фарзанд кўрмоқда.
Туғилиш даражасининг пасайишига қарамай, Ҳиндистонда ёшлар сони сезиларли даражада: 0-14 ёш оралиғида 24 фоиз, 10-19 ёш оралиғида 17 фоиз ва 10-24 ёш оралиғида 26 фоизни ташкил этади.
Мамлакат аҳолисининг 68 фоизи меҳнатга лаёқатли ёшда (15-64 ёш) бўлиб, бу тегишли бандлик ва сиёсий қўллаб-қувватлаш билан таъминланса, потенциал демографик дивидендни таъминлайди.
Кекса аҳоли (65 ёш ва ундан катта) ҳозирда 7 фоизни ташкил этади. Бу кўрсаткич кейинги ўн йилликларда умр кўриш давомийлиги яхшиланиши билан ўсиши кутилмоқда. 2025 йил ҳолатига кўра, умр кўриш давомийлиги эркаклар учун 71 ёшни, аёллар учун 74 ёшни ташкил этади.
Мамлакат ҳозирда дунёдаги энг кўп аҳолига эга давлат бўлиб, бу кўрсаткич 1,5 миллиардни ташкил этади. Бу рақам тахминан 40 йилдан кейин пасайишни бошлашдан олдин 1,7 миллиардга ўсиши кутилмоқда, дейилган ҳисоботда.
1960 йилда Ҳиндистон аҳолиси тахминан 436 миллион бўлган. Ҳар бир аёл ўртача 6 нафарга яқин фарзанд кўрган. Ўша пайтларда аёлларнинг ўз танаси ва ҳаёти устидан назорати ҳозиргига қараганда камроқ эди. Ҳисоботда айтилишича, ҳар тўрттадан биттаси контрасепсиянинг бирор-бир шаклидан фойдаланган ва ҳар иккитадан биттаси эса бошланғич мактабда ўқиган (Жаҳон банки маълумотлари, 2020 йил).
“Ҳиндистон туғилиш даражасини пасайтиришда сезиларли ютуқларга эришди. 1970 йилда ҳар бир аёлга беш нафарга яқин бола тўғри келган бўлса, бугунги кунда таълим ва репродуктив саломатликни яхшилаш имконияти туфайли бу икки нафарга етди. Бу оналар ўлимининг сезиларли даражада камайишига олиб келган, яъни бугунги кунда миллион она тирик, болаларни тарбияламоқда. Шунга қарамай, штатлар, касталар ва даромад гуруҳлари ўртасида чуқур тенгсизликлар сақланиб қолмоқда”, деди Андреа М Вожнар, БМТнинг Ҳиндистондаги вакили.
Изоҳ (0)