Россия Украинадаги урушни “имкон қадар тезроқ”, афзалроғи, тинч йўл билан тугатмоқчи ва музокараларни давом эттиришга тайёрлигини маълум қилди. Бу ҳақда “РИА Новости” хабар берди.
18 июнда йирик халқаро ахборот агентликлари бош муҳаррирлари билан бўлиб ўтган давра суҳбатида Путин президент Владимир Зеленский билан учрашишга тайёрлигини билдирган.
“Россия музокараларда Украина номидан ким иштирок этаётгани билан қизиқмайди, лекин ҳар қандай якуний келишув қонуний ҳокимият имзосига эга бўлиши керак”, деди Путин.
Кремль узоқ вақтдан бери Киевни обрўсизлантириш учун Зеленскийни “ноқонуний” деб кўрсатишга ҳаракат қилмоқда. Россия президенти матбуот котиби Дмитрий Песков 18 февраль куни Россияни 20 йилдан ортиқ бошқарган Путин Зеленский билан музокараларга тайёрлигини, бироқ “унинг қонунийлиги билан боғлиқ ҳуқуқий жиҳатлар”ни кўриб чиқиш кераклигини айтганди.
Украина Россиянинг кенг кўламли босқини даврида сайлов ўтказа олмаган. Чунки бундай сайлов ўтказиш 2022 йил 24 февраль ойида қонунан тақиқланганди. Украина қонунчилиги, шунингдек, сайловлар хавфсиз, тенг ва узлуксиз бўлиши кераклигини талаб қилади — бу Россиянинг тинч аҳолига ва муҳим инфратузилмага давом этаётган ҳужумлари шароитида бажариб бўлмайдиган ҳолат ҳисобланади.
Путин, шунингдек, 14 июнь куни АҚШ президенти Дональд Трампга Москва 22 июндан кейин асирлар ва ҳалок бўлган аскарларни алмашиш якунлангандан сўнг Киев билан тинчлик музокараларининг янги раундини ўтказишга тайёрлигини билдирганди.
Изоҳ (0)