Фарғона вилоятининг Қўқон шаҳридаги ИИБ биносида 15 ёшли бола вафот этгани хабар берилганди. Болалар омбудсмани Фарғонадаги ИИБ биносида вафот этган 15 ёшли ўсмир воқеасини жойига бориб ўрганди.
Фарғона вилояти ички ишлар бошқармасининг расмий муносабат билдиришича, мазкур воқеа юзасидан 2 нафар ички ишлар органи ходими ишдан бўшатилган.
Воқеа содир бўлган кунда навбатчилик қилган 2 нафар ИИО ходими тарбияланувчиларни назоратсиз қолдириб, жанжални олдини олмаганлиги учун ИИО сафидан бўшатилиб, ходимларга нисбатан тўпланган ҳужжатлар қонуний чора кўришлик учун вилоят прокуратурасига тақдим қилинган.
Ҳозирда ҳолат юзасидан Ички ишлар вазирлиги томонидан хизмат текшируви олиб борилмоқда.
Мавзуга доир: Болалар омбудсмани Фарғонадаги ИИБ биносида 15 ёшли бола ўлгани юзасидан ўрганиш ишлари олиб бордиМарҳумнинг ўлими тафсилотлари
15-ёшли бола ўлими юзасидан аввалига 8 нафар вояга етмаган бола гумонланаётганди. Ҳолат юзасидан Қўқон шаҳар прокуратураси томонидан Жиноят кодексининг 104-моддаси 3-қисми «д» банди (қасддан баданга оғир шикаст етказиш жабрланувчининг ўлишига сабаб бўлса) билан жиноят иши қўзғатилган. Тергов мобайнида икки нафар вояга етмаган тарбияланувчи марҳум Р.А.ни уриб, унинг ўлимига сабаб бўлган тан жароҳатлари етказгани маълум бўлган.
Изоҳ (0)