Хитойнинг Yadea компанияси туздан заряд оладиган электроскутерларни синовдан ўтказмоқда. Бу ҳақда BBC хабар берди.
Одамлар бундай скутерларни Ханчжоу шаҳридаги савдо маркази олдида синаб кўриши мумкин. Уларнинг ёнида зарядловчи устунлар бўлиб, 15 дақиқада қувват даражасини 0 дан 80 фоизгача тўлдириш мумкин бўлади.
400 дан 660 долларгача сотиладиган бу скутерлар одатда электр автомобилларда ишлатиладиган қўрғошин кислотаси ёки литий-ион элементлари билан қувватланмайди. Бунинг ўрнига батареялар денгиз тузидан ажратиб олиш мумкин бўлган натрийдан қувват олади.
Маҳаллий компаниялар аллақачон саноатнинг асосий хом ашё минералларига қарамлигини камайтирадиган муқобил натрий-ион батареяларини ишлаб чиқаришни бошлаган. 2025 йил апрелда CATL компанияси Naxtra бренди остида оғир юк машиналари ва автомобиллар учун натрий-ионли аккумуляторларни оммавий ишлаб чиқариш режасини эълон қилган.
Yadea ҳозиргача 3 та натрий билан ишлайдиган электроскутер моделини тақдим этган. Шунингдек, у янги пайдо бўлаётган аккумулятор кимёси, хусусан, натрий-ионини ўрганиш учун Ханчжоу Ҳуаю янги энергия тадқиқот институтини ташкил этган.
Икки ғилдиракли автомобиллар кўплаб Осиё мамлакатларида, жумладан, Вьетнам ва Индонезияда жуда машҳур транспорт тури ҳисобланади. Хитойда улар жуда кенг тарқалган бўлиб, аҳоли ундан кундалик ҳаётда жуда кўп фойдаланади. Улар скутерга “электр эшак” деб лақаб қўйган. 2023 йилда давлатда 55 миллионга яқин скутер сотилган.
Изоҳ (0)